මිථ්‍යා සාහිත්‍යයේ නිමල සංකේතය : කඟවේණා
සියවස් ගණනාවක් තිස්සේ නොයෙක් ස්වරූපයේ මිථ්‍යා කථාන්තර තුළින් මනුෂ්‍ය ලෝකයට පිවිසුණු ‘කඟවේණා’ මෑත ඉතිහාසයේ දී වඩාත් ජනප්‍රිය වුණේ ජේ. කේ. රෝලිං මහත්මිය විසින් රචිත ‘හැරී පොටර්’ පොත් මාලාව හේතුවෙන් බව පැවසීම වරදක් නොවෙයි. දිය කිඳුරියන් සහ මකරුන් සමග මිථ්‍යා ලෝකයේ වැජඹෙන සුදෝසුදු පැහැ කඟවේණුන්ගේ සොඳුරු රුව, මධ්‍යතන යුගයට අයත් තෙල් සායම් සිතුවම් මත මෙන් ම පොඩිත්තන් වෙනුවෙන් රචනා කරන ලද පින්තූර කථාන්තර පොත් තුළ ද දැක ගැනීමට ලැබෙනවා.
