එළඹෙන මාර්තු මාසයේ ඉන්දියාවේ දී රටවල් 5ක පැරණි ක්‍රීඩකයන් සහභාගි වන අපූරු ක්‍රිකට් තරගාවලියක් පැවැත්වෙනවා. පසුගිය කාල සමයේ ලෝක ක්‍රිකට් පිටියේ සිටි සුපිරි තරු රැසක් සහභාගි වන මෙම තරගාවලිය පිළිබඳව ක්‍රිකට් ලෝලීන් වඩාත් අවධානයෙන් පසුවනවා. මීට වසර 25කට පෙරත් ඉන්දියාවේ දී මෙවැනිම ආකාරයේ ක්‍රිකට් තරගාවලියක් පැවැත්වුණා. Masters Cup නමින් හැඳින්වුණු එම තරගාවලිය සඳහා පැරණි ක්‍රිකට් ක්‍රීඩකයන්ගෙන් සැදුම්ලත් කණ්ඩායම් 6ක් සහභාගි වුණා. මෙම ලිපිය මඟින් තොරතුරු ඉදිරිපත් කරන්නේ මීට වසර 25කට පෙර ඉන්දු බිමේ දී පැවති එම අපූරු ක්‍රිකට් තරගාවලිය පිළිබඳව යි.