බිතුසිතුවමින් හැඩවුණු දළදා මංගල්ලය

දළදා මාළිගය පූජනීය ස්ථානයක් සේම උඩරට කලා ශිල්පය අදට හෙළිදරව් කරනා කේන්ද්‍රස්ථානයක් වශයෙන් ද වැදගත්. එදා උඩරට බිතුසිතුවම්වල අලංකාරය වගේම උඩරට දැව සහ ශෛලමය කැටයම් කලාවටත් අනගි උදාහරණ මින් සැපයෙනවා. එහෙත් පැමිණෙන වැඩිදෙනෙක් මෙම කලාකම් දෙස අවධානය යොමු නොකිරීම කනගාටුවට කරුණක්. ඔවුන් තුළ ඒ ගැන උනන්දුව දැල්වීම මෙහි අරමුණක්.

බෝධිසත්ත්වයන් වහන්සේ සූවිසි විවරණය මෙම විහාරයේ ප්‍රධාන සිතුවම් තේමාවක්.

පරිහානියට පත්ව තිබූ බුදුදහම යළිත් නඟාසිටුවීමට නැවත උපසම්පදාව රැගෙනවිත් විශාල මෙහෙයක් කළ වැලිවිට සරණංකර හිමියන්ගේ සිතුවම පල්ලේමලේ විහාරයේ ඇති සුවිශේෂී බිතුසිතුවමක්.

දෙමහල් දළදා මාලිගයේ යටිමහලේ පිටත සිවිලිමේ දැව මත ඇඳි විශිෂ්ට බිතුසිතුවම් එදා කලාකරුවාගේ හැකියාව කදිමට විදහා පෙන්වනවා.

රන් වියනින් අලංකාර වූ දළදා මාලිගයේ ඉහළ මාලය ලාක්ෂා (ලාකඩ) අලංකරණයෙන් යුත් බීරලු වැටකින් සමන්විතයි.

මල්ලව පොර උඩරට රාජධානියේ ජනප්‍රිය ක්‍රීඩාවක්.

එකල බෞද්ධ පූජනීය ස්ථාන කරවා පූජා කළේ ඒවා ඉර හඳ පවතිනා තෙක් පැවතීමටයි. පහළ මාලයේ බිත්තිවල ඇඳ ඇති ඉර හඳ රූ ඒ බව පැහැදිලි කරනවා.

මතු බුදුවන බවට බෞද්ධයන් විශ්වාස කරන මෛත්‍රී බෝසතුන්

සදෙව් ලොවට අධිපති ශක්‍ර දෙවියන්