Roar සිංහල

බංග්ලාදේශය උණුසුම් කරන තරුණ විරෝධතා

තරුණ විරෝධතා සහ නීති රීති උල්ලංඝනය කරමින් ධාවනය කරන බස් රථ හේතුවෙන් සිදු වන අනතුරු ශ්‍රී ලංකාව ඇතුළු බොහෝ දකුණු ආසියාතික රටවලට ඒ හැටි ආගන්තුක කාරණාවක් නොවේ. මේවා නිසා ඒ ඒ රටවල එදිනෙදා ජන ජීවිතයට, ආර්ථිකයට, මෙන්ම ආරක්ෂාවටත් බාධා ඇති වෙනවා. පසුගිය දිනෙක නොසැලකිලිමත් බස් රථ රියැදුරෙක් නිසා බංග්ලාදේශයේ නව යොවුන්වියෙහි පසු වූ තරුණයෙකු හා තරුණියක ජීවිතක්ෂයට පත්වීමත් සමග එහි තරුණ ප්‍රජාව, නොසැලකිලිමත් ප්‍රවාහන සේවයන්ට හා ඒවාට අත්තනෝමතික ලෙස හැසිරීමට ඉඩ ලබා දෙන දූෂිත පොලිස් නිලධාරීන්ට එරෙහිව පාරට බැස්සා. මේ නිසා අද වන විට බංග්ලාදේශයේ අගනුවර වන ධකාහි එදිනෙදා කටයුතු බොහෝ සෙයින් අකර්මන්‍ය වී තිබෙනවා.

CIA සංවිධානයේ මෙහෙයවීමෙන් “කියුබානා 455” මගී ගුවන් යානයට එල්ල වූ ත්‍රස්ත ප්‍රහාරය

ගුවන් යානය තුළ පිපුරුමක් සිදු වුණා. දැන් යානය ගිනි ගන්නවා. අපි හැකි ඉක්මනින් ආරක්‍ෂිත ගොඩබෑමක් සඳහා සුදානම් වෙනවා.

වීඩියෝ ක්‍රීඩා සැබෑ ලෝකයේ ප්‍රචණ්ඩත්වයට හේතු වෙනවාද?

ශ්‍රී ලංකාවේ කලින්කලට සංවාදයන් ඇති වීම ඉස්සර ඉඳන්ම සිදු වුණු දෙයක්. හැබැයි දැන් අන්තර්ජාලයේ සහ සමාජ මාධ්‍යවල දියුණුව නිසා විවිධ සංවාද ඉතාම වේගයෙන් පැතිරී යන්නත්, දින කිහිපයක් ඇතුළත ඒක වෙනුවට අලුත් මාතෘකාවක් ඇවිත් කලින් එක යටපත් වෙලා යන්නත් පටන් අරන්. මේ වගේ සතියෙන් සතියට මාරු වෙන විවිධ මාතෘකා ගැන හැමෝම අදහස්, යෝජනා, ප්‍රති උත්තර ලබා දීම වගේ දේවල්වලට අපේ රටේ සමාජ මාධ්‍ය භාවිතයේ සැලකිය යුතු ඉඩකඩක් වෙන් වන බව දකින්න පුළුවන්.

ග්‍රීක දෙවිවරුන්ගේ නාමයන්ගෙන් නම් කෙරුණු මූලද්‍රව්‍යය සහ තවත් කතා

පෘථිවියේ පවතින සියලුම සංඝටක මූලද්‍රව්‍ය එකක් හෝ කිහිපයක සුසංයෝගයකින් සෑදී තිබෙනවා. මිනිසා සම්භවය වූ කාලයේ පටන්ම ස්වභාවයේ පැවති සංඝටක සිය භුක්තිය සඳහා යොදාගත් ඔවුන් කාලයාගේ අවෑමෙන් ඒවා මූලද්‍රව්‍යවලින් තැනී ඇති බව හඳුනාගත් අතර විද්‍යාවේ මහිමයෙන් ඒවා එකිනෙක වෙන්කොට හඳුනාගන්නටත් එළඹුණා. රුසියානු ජාතික දිමිත්‍රි මෙන්ඩලිෆ් විසින් අනුපිළිවෙලින් කාණ්ඩ කරමින් වර්තමාන ආවර්තිතා වගුව නිර්මාණය කළේ ඒ එක් එක් මූලද්‍රව්‍යවල පොදු ගුණ හා තවත් රසායනික හා භෞතික ගුණ රාශියක් සැලකිල්ලට ගැනීමෙන් අනතුරුව යි. මෙමඟින් ඒ වන විට හඳුනාගෙන තිබුණු මූලද්‍රව්‍යවල ගුණ පිළිබඳ පුරෝකථනය කිරීම හා අනාගතයේ නව මූලද්‍රව්‍ය හඳුනාගැනීමේ පහසුව ඇතුළු ප්‍රයෝජන රාශියක් විද්‍යාඥයින්ට ලැබුණා.

රට රටවල දරුවන්ට නම් තබන අපූරු විධි ක්‍රම 4ක්

අළුත උපන් බිළිඳෙකුට නම් තැබීමේ දී ශ්‍රී ලංකාව තුළ බොහෝ විට දකින්නට ලැබෙන්නේ දරුවාගේ පියාගේ පෙළපත් නාමය, දරුවාට යොදන නමට හෝ නම් දෙකට ඉදිරියෙනුත්, වාසගම පසුපසිනුත් (උදා- පියා ලොකුගේ පියසිරි දිසානායක, පුත්‍රයා ලොකුගේ කවිඳු දිසානායක) යෙදෙන පරිදි නාමකරණය සිදු කිරීමේ ක්‍රමය යි. එමෙන්ම දමිළ ජාතිකයින් සිය පියාගේ නාමය දරුවන්ගේ නාමයට ඉදිරියෙන් යෙදෙන පරිදි නාමකරණය සිදු කරනවා (උදා – පියා ආරුමුගම් සෙල්වදොරේ, පුත්‍රයා සෙල්වදොරේ මුරලි). කෙසේ නමුත් ලොව පුරා විවිධ ජාතීන් සිය බිළිඳුන්ට නම් තැබීමේ දී මීට වඩ වෙනස් වූ ක්‍රමයන් රාශියක් අනුගමනය කරනවා. ඒවායින් සමහරක් අපූරු යි. පසුගිය ලෝක කුසලානයට සහභාගී වූ අයිස්ලන්ත පාපන්දු කණ්ඩායමේ සියළුම ක්‍රීඩකයින්ගේ වාසගම් ‘..son’ යනුවෙන් අවසන් වී තිබෙනු පිළිබඳව බොහෝ දෙනා විමසිලිමත් වූවා ඔබට මතක ඇති. එය හුදු අහම්බයක් නොවේ. අයිස්ලන්තයේ පවතින නාමකරණ සම්ප්‍රදාය නිසා ප්‍රතිඵල වූවක්. එය ද ඇතුළු ලොව විවිධ ජනයා සිය දරුවන්ට නම් තබන අපූර්ව ආකාර කිහිපයක් පිළිබඳව මේ ලිපිය ඔස්සේ දැනුවත් වෙමු.

සමාජය ප්‍රශ්න කළ කාමෝද්දීපන ප්‍රකාශන

කාමෝද්දීපන ප්‍රකාශන යනුවෙන් යමක් යුරෝපීය, විශේෂයෙන්ම ඉංග්‍රීසි ජන සමාජය තුළ අර්ථ දැක්වීම සිදු වුණ ආකාරය අප මින් පෙර ලිපියක් මඟින් සාකච්ඡා කළා. නමුත් කාමෝද්දීපන ප්‍රකාශනයන්ට ඊට වඩා ඉතා දිගු ඉතිහාසයක් තිබෙනවා. මේවා පොදු මහජනතාව අතරට පැතිරීම නොවන තාක් කල් යුරෝපීය පාලකයන්ට එය ගැටළුවක් වූයේ නැහැ.

නාවිකයන් වෙනුවෙන් ගී ගැයූ දියකිඳුරියෝ

සියවස් ගණනාවක් මුළුල්ලේ මිනිසාට ළං විය නොහැකි මානයක රැඳෙමින් රහස් ගොන්නක් සඟවා ගෙන සිටි මහ සයුර, මුහුදු සර්පයින් සහ දියකිඳුරියන් වැනි මායාකාරී සතුන් රැසකට නවාතැන් සැපයූ බව යි පුරාණ මිනිසුන්ගේ විශ්වාසය වුණේ. ජනප්‍රවාදයේ සඳහන් වන ආකාරයට අඩක් මනුෂ්‍යයෙකුගේ සහ අඩක් මත්ස්‍යයෙකුගේ ස්වරූපය ගන්නා දියකිඳුරියන්, කාලාන්තරයක් තිස්සේ මිනිස් පරිකල්පනය තමන්ගේ ග්‍රහණයට නතු කරගෙන සිටි බව පැවසීම අතිශයෝක්තියක් නොවෙයි.

නීතිවිරෝධී කටයුතු සම්බන්ධව නිතර කියැවෙන, “හඳුනාගැනීමේ පෙරට්ටුව”

ඇතැම් විට අධිකරණ කටයුතු ක්‍රියාත්මක කිරීමේ දී පුද්ගල හෝ දේපළ අනන්‍යතාවය තහවුරු කරගැනීමට සිදුවන අවස්ථාවන් පවතී. යමක අනන්‍යතාව හඳුනාගැනීමට ඇඟිලි සලකුණු, අතුල් සටහන්, පතුල් සටහන්, ඩී.එන්.ඒ. සාක්ෂ්‍ය, අත් අකුරු, කටහඬ, හා දෘශ්‍ය හඳුනාගැනීම් ආදී ක්‍රම භාවිත කරන බව අධිකරණ කටයුතුවල නිරත වීමෙහි දී දැකගත හැක. විත්ති කූඩුවේ දී හා හඳුනාගැනීමේ පෙරට්ටුවක් ය‍ටතේ දී ද දෘශ්‍ය හඳුනාගැනීම සිදුකළ හැක. හඳුනාගැනීමේ පෙරට්ටුවක් වූ කලී අපරාධ නඩුවක සැකකරුව‍ෙක්ව හඳුනාගැනීමට සාක්ෂ්‍යකරුවන්ට ඉඩහසර ලබා දෙන ක්‍රමවේදයකි.

යකුන් හිටි යක්කුරේ ගිහින් තිබෙනවාද?

ඇසූ පමණින් කුතුහලයක් ඇතිවන යක්කුරේ පිහිටා ඇත්තේ පොළොන්නරුව දිස්ත්‍රික්කයේ කොණක. විශාල කෙත් යායක් හා වනාන්තර පසුබිම් කරගත් තැනිතලාවක පිහිටි සුන්දර ගම්මානයක් වන යක්කුරේට දිඹුලාගල කන්ද රමණීය ලෙස පේනවා. මහවැලි ගඟ ගලාබසින්නේ ගමට නුදුරින්. හඳපාන් විල්ලුව නම් නිතර අලි ඇතුන් ගැවසෙන විශාල තෙත්බිම ගම ඉහත්තාවෙන් පැතිරී යන්නේ සොබා සුන්දරත්වය ඉහළ නංවමින්. ඉහළ යක්කුරේ හා පහළ යක්කුරේ නමින් ගම්මාන දෙකක් අද දක්නට පුළුවන්. නවීන නිවෙස් මෙන්ම වරිච්චි බිත්ති ගසා සැකසූ සාම්ප්‍රදායික වූ ද, ඉතා සරල වූ ද ගැමි ගෙවල් මෙහි පිහිටා තිබෙනවා. යක්කුරේට ළඟම ටවුම නුවරගල යි.

වික්ටෝරියානු සමාජය දෙදෙරවූ පොම්පෙයිහි කාමෝද්දීපන කලා නිර්මාණ

කාමෝද්දීපන ප්‍රකාශන, නැතහොත් පෝර්නෝග්‍රැෆි යනු කවුරුත් පාහේ අසා තිබෙන දෙයක් බව අමුතුවෙන් කිවයුතු නැහැ. විශේෂයෙන්ම අන්තර්ජාලය පැමිණීමත් සමග මෙය වැඩියෙන් ප්‍රචලිත වූ බව කිව හැකි යි. නමුත් ඇතැමුන්ට අනුව කාමෝද්දීපන ප්‍රකාශනයන්හි ඉතිහාසය ඉතා දීර්ඝ යි.

චීන සංස්කෘතිය විදහාපාන උත්සව කිහිපයක තතු

ලෝකයේ උත්සව අතරින් චීන සංස්කෘතික උත්සවවලට හිමිවන්නේ සුවිශේෂී ස්ථානයකි. ඔවුනටම ආවේණික වූ සංස්කෘතික වටිනාකම් අනුව එම උත්සවයන් පැවැත්වෙන අතර, ඒ සම්බන්ධ සිරිත් විරිත් ද නැවුම් ය. මෙම ලිපියෙන් චීන ජාතිකයන් මහත් හරසරින් සමරනු ලබන උත්සව කිහිපයක් සම්බන්ධයෙන් කරුණු ඉදිරිපත් කෙරේ.

ඉරානයේ දී ඇමරිකානු හමුදා ලැබූ යුධ අවමානය – ඔපරේෂන් ඊගල් ක්ලෝ

ඉරානය තුළ ඇමරිකානු හිතවාදී පාලනයක් ගෙන ගිය ෂා රජුට එරෙහිව අයතුල්ලා කොමේනි ප්‍රමුඛ රැඩිකල් මුස්ලිම් ප්‍රජාව විසින් “ඉරාන විප්ලවය” ආරම්භ කරනවා. මෙම අර්බුදය හමුවේ 1979 ඔක්තෝබර් මාසයේ දී ඇමරිකාවට පලා යන ෂා රජු එම රජයේ රැකවරණය හමුවේ කල් ගෙවනවා.