ඕනෑම ක්ෂේත්‍රයක එම ක්ෂේත්‍රයට අදාළ විවිධ සිදුවීම් දිනපතාම සිදුවේ. නමුත් ඕනෑම ක්ෂේත්‍රයක කලාතුරකින් සිදුවන යම් යම් සිදුවීම් නිසා එම අදාළ ක්ෂේත්‍රයම කැළඹීමට පත්වේ. සමස්ථ පැසිපන්දු ක්ෂේත්‍රයම කැළඹීමට පත් වූ සිදුවීමක් මෑත කාලයේ දී වාර්තා වූයේ නම් ඒ සුපිරි පැසිපන්දු ක්‍රීඩක ලෙබ්‍රෝන් ජේම්ස්, ලොස් ඇන්ජලීස් ලේකර්ස් කණ්ඩායම හා එක්වීමයි. පසුගිය වසර 4 ක කාලය තුලදී ක්ලීව්ලන්ඩ් කැවලියර්ස් කණ්ඩායම නියෝජනය කල ලෙබ්‍රෝන් ජේම්ස්, ලොස් ඇන්ජලීස් ලේකර්ස් කණ්ඩායම හා එක්වූයේ ජූලි 1 වැනිදා ය. ඒ වසර 4 ක කාලයකටයි.