පරිණාමයේ විද්‍යාගාරය : ගැලැපගෝස් දූපත්
සත්ත්ව සහ ශාක ජීවිත ගැන අපූරු උදාහරණ ලෝකයට ගෙන හැර දක්වන ගැලැපගෝස් දූපත්, ආකර්ෂණීය භූගෝලීය ඉතිහාසයක් සහිත සංකීර්ණ පරිසර පද්ධතියකට සෙවණ සපයන බව පැවසීම අතිශයෝක්තියක් නොවෙයි. ඉක්වදෝර ජනරජයට යාබද ව ශාන්තිකර සාගරයේ පිහිටා ඇති ඉක්වදෝරයටම අයත් ගැලැපගෝස් දූපත් ලෝක වාසීන් අතර වඩාත් ජනප්‍රිය වුණේ ප්‍රකට ස්වභාව විද්‍යාඥයෙකු වූ චාල්ස් ඩාවින්, ජීවීන්ගේ පරිණාමය පිළිබඳ ව ඔහු දැරූ න්‍යාය ගොඩ නැංවීම සඳහා එහි වාසය කළ සත්ත්ව සහ ශාක විශේෂ උපකාර කර ගැනීම හේතුවෙන්.
