Roar සිංහල

තෙල් මිල වැඩි වීම ජනතාවට දැනෙන්නේ මෙහෙමයි

ශ්‍රී ලංකාවේ ඉන්ධන මිල වසර තුනකට පසුව යලිත් වරක් වැඩි විය. ලෝක වෙළඳ පොළේ තෙල් මිල පහළ යන විට අපේ රටේ කිසිදාක අඩු නොවන තෙල් මිල ලෝක වෙළඳ පොළේ මිල වැඩි වන විට වැඩි කරන්නට නම් එදා සිටම දේශපාලනඥයෝ සැදී පැහැදී සිටිති. එහෙත් පසුගිය වසර තුනේ මෙම තත්වය තරමක් වෙනස් වුවද නැවතත් පෙර පැවතී අන්දමින්ම ඉන්ධන මිල දරාගන්නට නොහැකි අන්දමින් දිගින් දිගටම වැඩි වෙමින් ජනතාව පිඩාවට පත් කරාවිද යන සැකය මතු වී තිබේ.

ලෝක ශූර ජර්මනිය මෙවරත් කිරුළ හිමිකරගනී ද?

මෙවර පාපන්දු ලෝක කුසලානය ජයග්‍රහණය කිරීම සඳහා ඉදිරියෙන්ම සිටින රටවල් පිළිබඳ ලිපි මාලාවක් “Roar සිංහල සමඟ 2018 පාපන්දු ලෝක කුසලානය” විශේෂාංගය මඟින් ගෙන එන්නෙමු. ප්‍රථමයෙන් බ්‍රසීල කණ්ඩායම පිළිබඳව ද ඉන්පසු ප්‍රංශ සහ ස්පාඤ්ඤ කණ්ඩායම් පිළිබඳව ද ලිපි ඉදිරිපත් කළෙමු. මෙම ලිපි මඟින් එම රට මීට පෙර පැවති ලෝක කුසලාන වලදී දැක්වූ දක්ෂතා, මෙවර පාපන්දු ලෝක කුසලානයට සුදුසුකම් ලබාගත් ආකාරය, මෙවර පාපන්දු ලෝක කුසලානයේ දී ක්‍රීඩා කරන කණ්ඩායම (අවසාන xi) සහ මෙවර එම කණ්ඩායමේ ශක්තිය පිළිබඳව කෙටියෙන් විමසා බලනු ඇත. අද අපි මෙම විශේෂාංගය මඟින් ගෙන එන්නේ ලෝක ශූර ජර්මනිය පිළිබඳවයි.

ආදායම් බදු නිසා මහජනතාව කබලෙන් ළිපට වැටීම

මහජනතාවට බදු පැනවීම ප්‍රධාන වශයෙන් ක්‍රම දෙකක් ඔස්සේ සිදු විය හැකිය. පනතක් මාර්ගයෙන් නීතියක් ලෙස හෝ, එසේත් නැතිනම් අයවැය මගින් බදු නීති ගෙන ඒමේ හැකියාව තිබේ. අයවැයේ දී රටේ යම් යම් වියදම් පියවා ගැනීම සඳහා භාණ්ඩ මත හෝ ආදායම් මත බදු පනවන ක්‍රමවේදයක් පවතී. නව දේශීය ආදායම් බදු පනතින් අපේක්ෂා කෙරන්නේ මෙතෙක් කාලයක් බදු අය කරන ලද ක්‍රමවේදය සංශෝධනය කිරීමයි. එනම්, මෙම පනතින් සිදු කර ඇත්තේ අලුත් බදු හඳුන්වා දීම නොවන අතර බදු සම්බන්ධයෙන් අලුත් නීති රීති හඳුන්වා දීම වේ.

තරග පාවා දීම – කිං කොමිසම, ක්‍රොන්යේ සහ අසරුදීන්

2000 වසරේ මැයි මස 4 වන දින, 71 හැවරිදි අධිකරණ විනිසුරු එඩ්වින් කිං ප්‍රමුඛ කොමිසමක් පත්කරන ලද අතර ඔවුන්ගේ කාර්යභාරය වූයේ ක්‍රොන්යේ ඇතුළු ක්‍රීඩකයින් විසින් මුදල් ගත් බවට සැකකෙරෙන සිදුවීම් මාලාවේ සියල්ලම පරීක්ෂණයට ගෙන තීරණයක් ලබා දීමයි. එඩ්වින් කිං ප්‍රමුඛ කොමිසම එතැන් පටන් ජනප්‍රිය වූයේ “King Commission” ලෙස යි.

ලිංගික ශක්තිය වඩවන ඔසු තුනක්

ලෝකයේ ඇති වටිනාම වාජීකරණ ඖෂධය ලෙස ආයුර්වේදයේ සඳහන් වන්නේ කස්තුරි මුවන්ගෙන් ලබාගන්නා කස්තුරි යි. අද වාජීකරණ, නැත්නම් පැරැන්නන් කියූ විදිහට “තිරිහන් වෙන්න භාවිත කරන බේත්” වැහිවැහැලා. පුරාණයේ ලිංගික ශක්තිය වර්ධනය කර ගැනීමට දේශීය ශාක ඔසු ගණනාවක් පරිසරයෙන් සොයාගත හැකිව තිබුණා. ඒවායින් ශරීරයට තවත් පෝෂණ ගුණාංග රැසකුත් ලැබුණා. නමුත් අද ලිංගික ශක්තිය වර්ධනය කරන ඔසු විකිණීම විශාල ලාබ ලබන ජාවාරමක් වෙලා. බටහිර ඖෂධ වගේම ආයුර්වේද වාජීකරණ ඖෂධ ගැනත් දැන්වීම් නිතර පත්තරවල පළ වෙනවා.

තරග පාවා දීම – ක්‍රොන්යේ සහ දිල්ලි පොලීසිය

2000 වසරේ මාර්තු මස 19 නාග්පූර් හි දී පැවති 5 වන එක්දින තරගය නිමා වූයේ තියුණු අන්දමිනි. මුලින් පන්දුවට පහරදුන් දකුණු අප්‍රිකානු පිල ලකුණු 320ක් රැස්කරගත් අතර ඉන්දියානු පිල පිළිතුරු ඉනිම ලෙස ලකුණු 310ක් රැස්කරගන්නා ලදී. හැන්සි ක්‍රොන්යේ ප්‍රමුඛ දකුණු අප්‍රිකාව තරගයෙන් ජයග්‍රහණය කළ ද තරගාවලියේ ජය ඉන්දියාවට හිමි වුයේ 3 – 2 ක් ලෙස යි.

නිශාචර නාසි ගුවන් නියමුවා – වර්නර් ස්ට්‍රයිබ්

දෙවන ලෝක යුධ සමයේදී රාජකීය ගුවන් හමුදා නියමුවන් හා ඇමරිකානු එක්සත් ජනපද ගුවන් නියමුවන්ට වඩා නාසි ගුවන් හමුදාවේ (Luftwaffe) නියමුවන් දක්ෂතාව අතරින් ඉදිරියෙන් සිටි බව ගුවන් සටන් වලදී සාර්ථක ලෙස ප්‍රතිවිරුද්ධ ගුවන් යානා බිම හෙලන ලද ගුවන් නියමුවන්ගේ ලැයිස්තුව පරික්ෂා කිරීමේදී තර්ක කරන්නට පුළුවන්. දෙවන ලෝක යුද්ධ ජයග්‍රහණය මිත්‍ර පාර්ශවය වෙත හිමි වූ බැවින් ජර්මානු ගුවන් නියමුවන්ගේ දක්ෂතා පිළිබඳව එතරම් කතාබහක් සමාජය තුළ හටගන්නේ නෑ.

හැන්සි ක්‍රොන්යේගේ තරග පාවා දීම – සෙන්චූරියන් ටෙස්ට් තරගය

1996 සිදුවීම ක්‍රොන්යේගේ දක්ෂතා කෙරෙහි කිසිදු බලපෑමක් සිදු නොවුණු අතර ඔහු දකුණු අප්‍රිකානු පිල ජයග්‍රහණ රැසක් කරා සාර්ථකව මෙහෙයවන ලදී. නමුත් ඉන් පසුව වරින් වර ඔහුගේ විනය කඩකිරීම් කිහිපයක් ද වාර්තා විය. 1998 ඇඩ්ලෙඩ් හි දී පැවති ටෙස්ට් තරගය අතරතුර ඕස්ට්‍රේලියානු පිතිකරු මාර්ක් වෝ විසින් පන්දුවකට සාර්ථකව මුහුණ දී පසුව පිත්ත සෙලවිමේ දී එය කඩුල්ලේ ගැටී බේල්ස් ඉවත්වීම නිසාවෙන් එය “හිට් විකට්” දැවියාමක් නොවන බවට විනිසුරු ප්‍රකාශ කළේ ය. මෙයින් කෝපයට පත්වූ ක්‍රොන්යේ විනිසුරු සමඟ වාද කිරීමෙන් පසු ප්‍රශ්නය සමනය විය.

මව් රට රනින් සැරසූ මේරි කොම්

බොක්සිං කිව්වාම මුලින්ම අපේ මතකයට එන්නේ ක්‍රීඩකයන් මිසක් ක්‍රීඩිකාවන් නෙවෙයිනෙ. ඒ තරමටම බොක්සිං පුරුෂ පක්ෂයටම වෙන් වුණු ක්‍රීඩාවක් විදියටයි අපේ හිතේ තහවුරු වෙලා තියෙන්නෙ. බොක්සිං ක්‍රීඩා කරන ලෝක ප්‍රසිද්ධ ඉන්දීය ක්‍රීඩිකාවක් ගැනයි අද ලිපියෙන් කියවෙන්නේ. ඇය මේරි කොම්.

ටයිටැනික් එතරම් සුවිසාල ඛේදවාචයක් බවට පෙරළුනේ ඇයි?

1912 දී එවකට විශාලතම සුඛෝපභෝගී මගී නෞකාව, එංගලන්තයේ සවුතැම්ටන් වරායේ සිට ඇමරිකාවේ නිව්යෝක් නුවරට ගිය මංගල ගමනේ අතරමඟ දී අත්ලාන්තික් සයුරේ ගිලී ගියේ ය. නැවේ ගමන් කළ මඟීන් 2220කට ආසන්න සංඛ්‍යාවකින්, දිවි ගලවාගත්තේ 700 දෙනකු පමණි. ඉතිරි 1500කට අධික පිරිස අත්ලාන්තික් සයුරු පතලේ සදහටම සැඟවී ගියේ ය. ඒ ඛේදවාචකය එකලත්, ඉන්පසු බොහෝ කලකටත් ලොව රැව් පිලිරැව් දුන් ප්‍රවෘත්තියක් විය.

හැන්සි ක්‍රොන්යේගේ අසාර්ථක වූ පළමු තරග පාවාදීම

ක්‍රිකට් ක්‍රීඩාව පිලිබඳව විස්තර කිරීමේ දී එය සැලකෙන්නේ මහත්මයින්ගේ ක්‍රීඩාව ලෙස යි. එහෙත් වර්තමානය වන විට එය එලෙස හැඳින්වීම විහිළුවක් වන මට්ටම දක්වා ක්‍රිකට් ක්‍රීඩාව පහතට වැටි ඇත. මේ ලිපිය, ක්‍රිකට් ක්‍රීඩාවේ මහත්මා ගුණය ට හානිකළ ඉතිහාසයේ වාර්තා වූ අපකීර්තිමත් සිදුවීම් මාලාවක් පිලිබඳව යි.

ගිනි කඳු පිපිරීමකින් බිහි වූ අපූරු නිර්මාණය (Giant’s Causeway)

ගිනි කන්දක් යන නම ඇසූ පමණින් ඔබට දැනෙන්නේ දාහයකි. දැන් ඔබට සිහිපත් වන්නේ මෙකී දාහයෙන් මිදීමට නම් ඔබ සුවදායී පරිසරයක් කරා ගමන් කළ යුතු බවකි. එසැණින්ම ඔබේ සිහියට නැගෙන්නේ කවුරුත් දන්නා, හිමෙන් වැසී නිද්‍රාවට පත් වී සිටින ෆූජියේ සුන්දරත්වයයි. සෑම ගිනි කන්දක්ම අභ්‍යන්තරයෙන් පැසුණු ලෝදියෙන් සන්නද්ධ භයංකර කුහරයක් බව සැබෑවකි. එහෙත් ඔබ පය තබන පස් පිඩක් පාසා සිහිපත් කරගත යුතු කරුණක් වන්නේ එකී ලෝදිය නිවී ගිය ඉක්බිති ජීවය අස්වැද්දවිය හැකි ආකාරයේ පාංශු සම්පතක් නිර්මාණය වීමේ හැකියාවෙන් යුක්ත බවයි. එපමණක් නොව ඝනීභවනය වන ලෝදිය විවිධ වර්ගයේ ඛනිජ සංයුතීන් බිහි කිරීමට ද ඉවහල් වන්නේය. සොබාදහම අපූරු කලාකරුවෙකි. ඇතැම්විට ලෝදිය අපූරු රටාවකට ඝනීභවනය කිරීමට සොබාදහම සමත් වේ. Giant’s Causeway යනු එවන් අපූරු ස්වභාවික නිර්මාණයකි. මෙය වර්ෂ 1692දී ඩෙරී නමැති බිෂොප්වරයා විසින් ගවේශනය කරන ලදී.