සෝවියට් දේශයෙන් පිටමං කරනු ලැබ වසර එකොළහකට පසු, 1940 අගෝස්තු 21 වන දා මෙක්සිකෝවේ දී, මාරයා ලියොන් ට්‍රොට්ස්කි කරා පැමිණියා. යාක්ස් මොනාර්ඩ් නමින් පෙනී සිටි ඔහුගේ ඝාතකයා ඊට පෙර දින ඔහුගේ නිවසේ දී ම ට්‍රොට්ස්කිගේ හිසට හිම කඳු නැගීමේ දී භාවිතා කරන පොරවකින් පහර දීමෙන් මොළයට සිදු වූ හානිය ඔහුගේ මරණයට හේතු වුණා​​. ඔහුගේ මරණය එකල NKVD නමින් හඳුන්වන ලද, පසුව KGB බවට පත් වූ සෝවියට් රහස් ඔත්තු සේවය​ විසින් සිදුකරන ලද බව පසු කලෙක​ හෙළි වූ අතර සෝවියට් දේශය 1989 දී ඒ බව පිළිගත්තා​.