කොවිඩ් 19 වසංගත තත්ත්වයෙන් පසුව හිස ඔසවන තවත් රෝගී තත්ත්වයක් ලෙස කවසාකි රෝගී තත්ත්වය මේ වන විට රටවල් කිහිපයකින්ම වාර්තා වී තිබෙනවා. කොරෝනා වෛරස ව්‍යාප්තියත් සමග කුඩා දරුවන් අතර (විශේෂයෙන් අවුරුදු පහට අඩු දරුවන් අතර) පැතිරිය හැකි රෝගී තත්ත්වයක් ලෙස යි මෙය සැලකෙන්නේ. කවසාකි රෝගී තත්ත්වය සාමාන්‍යයෙන් ලංකාව තුළ වාර්තා වෙන නමුත් කොවිඩ් 19 වසංගත තත්ත්වය සමග එය මඳක් ඉහළ යා හැකි බවත්, මේ වන තුරු එම රෝගයේ දැඩි බලපෑමක් ශ්‍රී ලංකාවට නොමැති බවත් සෞඛ්‍ය අමාත්‍යාංශයේ වසංගත විද්‍යා ඒකකය සඳහන් කරනවා.