Main

අධිවේගී 5G සේවා සමඟ දළ දේශීය නිෂ්පාදනය ඉහළ නැංවීමටත්, පශ්චාත් කොවිඩ් සමයේ ආර්ථික පුනර්ජීවයටත් වාසි රැසක් සැලසෙන බව පර්යේෂණ පෙන්වා දෙනවා. ඒවා අනුව තිරසාර ආර්ථික වර්ධනයකට 5G දායක වන්නේ කෙසේදැයි යන්න අපි මෙලෙස සංක්ෂිප්ත කළා.

2000 වර්ෂය මුල් භාගයේ 3G තාක්ෂණය මත ගොඩනැඟුණු 4G දැන් අපගේ එදිනෙදා ජීවිතයේ කොටසක් බවට පත් වුණු ස්මාර්ට් ජංගම දුරකථන බලගන්වනවා. එනමුත් 4G රවුටර් ද සමඟ 4Gවල භාවිතය ඉහළ යාම නිසා Bandwidth එක අඩුවී වේගයත් පහත බැස තිබෙනවා. 5G සතු අතිශය වේගවත් බව, අඩු ප්‍රමාද කාලය, සහ අඛණ්ඩතාව පිළිබඳ ඉහළ විශ්වසනීයත්වය සමඟ 4G අභිබවා යන්නට ඊට හැකි වෙනවා.