ශ්‍රී ලංකාව තුළ බහුලවම වැවෙන පළතුරු වර්ග අතුරින් අඹ ශාකයට සුවිශේෂී ස්ථානයක් හිමිවනවා. මහින්දාගමනය සිදුවුණු අවස්ථාවේ මිහිඳු මහ රහතන් වහන්සේ දෙවන පෑතිස් රජතුමාට අඹ ගස පිළිබඳව ප්‍රශ්නයක් යොමු කළ බව කියැවෙනවා. ඉන් නිගමනය කළ හැක්කේ අඹ ගස එම යුගයේ සිටම ලාංකීය ජනතාවට සමීපව තිබුණු ශාකයක් බව යි. එසේම ලංකාවේ ග්‍රාමයන් කිහිපයකම නම් සමග අඹ ගස සම්බන්ධ වී තිබෙන්නේ ලාංකීය ජන සමාජය තුළ අඹ නම් පළතුර සුලභව භාවිතා කළ නිසා විය යුතු යි.